ՅՈՒՇԱՐԺԱՆ ՊԱՀԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Գիտաժողով "Հայոց Ցեղասպանութիւնը եւ Արխիւները"

Բարձր հովանաւորութամբ՝ Տանն Կիլիկիոյ Կաթողիկէ Հայոց Ամեն. և Գերջ. Տէր Ներսէս Պետրոս ԺԹ. Կաթողիկոս Պատրիարքի, կազմակերպութեամբ՝ Զմմառու Պատրիարքական Կղերի Միաբանութեան և Հայոց Ցեղասպանութեան 100-ամեակի Լիբանանի կեդրոնական

մարմնին, «Մեծ Եղեռնը և Արխիւները» Գիտաժողովը կայացաւ Զմմառու Ս. Տիրամօր վանքին մէջ Շաբաթ 14 Փետրուար 2015-ին, առաւօտեան ժամը 9:30-ին:

Այս Գիտաժողովին իրենց մասնակցութիւնը բերին՝ Հայաստանի Հանրապետութեան լիազօր դեսպանը Լիբանանի մէջ՝ Պրն. Աշոտ Քոչարեան, Մեծի Տանն Կիլիկիոյ Ն. Ս. Տ. Տ. Արամ Կաթողիկոսի ներկայացուցիչ՝ Գերաշնորհ Յուսիկ Ծ. Վ. Մարտիրոսեան, Մարօնիթ Պատրիարքի ներկայացուցիչ և Պէյրութի Թեմի Մարօնիթներու Պատրիարքական Փոխանորդ՝ Արհի. Պուլոս Սայահ, Պէյրութի Թեմի Հայոց Առաջնորդ՝ Շահէ Եպս. Փանոսեան, Դամասկոսի Թեմէն՝ Արշամ Եպս.

Նալպանտեան, Հայ Կաթողիկէ Եպիսկոպոսներ՝ Արհի. Գէորգ Արք. Խազումեան, Արհի. Մանուէլ Եպս. Պաթագեան, Արհի. Յովսէփ Եպս. Առնաութեան և Արհի. Օգոստինոս Եպս. Գուսան, օտար Եկեղեցիներու ներկայացուցիչներ, պատմաբան եւ հայագէտ Դոկտորներ, եւ համալսարանական մասնագէտներ (65 ներկաներ): Պատուոյ հիւրերուն ընդունելութիւնը տեղի ունեցաւ մայրավանքի մեծ դահլիճին մէջ, որմէ ետք ներկաները բարձրացան նորակառոյց «Արծիւեան» ժողովասրահ, ուր՝ Լիբանանեան MTV պատկերասփիւռի ուղիղ սփռումով, իր սրտին խօսքը փոխանցեց Ամեն. և Գերջ. Տէր Ներսէս Պետրոս ԺԹ., որմէ ետք՝ Գերպծ. Հ. Գաբրիէլ Թ.Ծ.Վ. Մուրատեան գիտաժողովին ներկաներուն բարի գալուստ մաղթեց, հայերէն եւ ֆրանսերէն լեզուներով: Պրն. Ռաֆայէլ Ումուտեան ներկայացուց 100-ամեակի Լիբ. Կեդրոնական Մարմնի խօսքը: Հայաստանի Սփիւռքի Նախարար Տիկին Հրանուշ Յակոբեան բազմազբաղ ըլլալուն պատճառով, չկրցաւ ներկայ գտնուիլ այս ժողովին, սակայն պաստառի վրայ պատկերիզի ներկայացումով՝ իր սրտի խօսքն ու յաջողութեան մաղթանկները փոխանցեց:
Զեկուցաբերները իրենց նիւթերը ներկայացուցին հայերէն թէ ֆրանսերէն, անգլերէն լեզուներով, նկատի առած օտար մասնակիցներու ներկայութիւնը:

Զեկուցաբեր` Դոկտ. Յարութիւն Ռէմոն Գէորգեանով սկսաւ գիտաժողովը: Ան յստակ եւ մանրամասն ձեւով ներկայացուց «Հայոց Ցեղասպանութեան իբր Աղբիւր ծառայող դիւանագիտական եւ միսիոնարական արխիւներ» (Միջազգային Արխիւները), որմէ ետք զրուցավար՝ Տիկ. Սեդա Խտըշեան առիթ տուաւ ներկաներուն լուսաբանական հարցումներ ուղղելու, որոնց սիրայօժար եւ յստակ լուսաբանութիւններ կատարուեցան Դոկտորին կողմէ:

Ապա ներկաները հիւրասիրուեցան կարճ դադարի մը ընթացքին:
Զեկուցաբեր՝ Փրոֆ. Մարքո եագոպ, որ պիտի ներկայացներ §Հայոց Ցեղասպանութիւնը Վատիկանի գաղտնի արխիւներու փաստաթուղթերուն ընդմէջէն» նիւթը, չկարենալով ներկայ գտնուիլ, Հայր Վարդան Վրդ. Գազանճեան կարդաց անոր ղրկած ուսումնասիրութիւնը հայերէն եւ ֆրանսերէն լեզուներով: Տրուած ըլլալով որ զեկուցաբերը ներկայ չէր, այս առիթով ուղղուած կարգ մը հարցունմերուն պատասխանեց Դոտկ. Ռէմոն Գէորգեան:

Կէսօրուան ճաշի դադարը տեղի ունեցաւ Ս.Միքայէլ Դպրեվանքի սեղանատան մէջ:
Ճաշի դադարէն ետք, խօսք տրուեցաւ Դամասկոսի Առաջնորդ՝ Սրբազան Հայր Արմաշ Նալպանեանի, որը ներկայացուց Սուրիոյ Հայութեան կողմէ Հայ Դատի 100-ամեակի առիթով մշակուող և զանազան ուղղութիւններով տարուող աշխատանքները (ըլլան անոնք մշակութային, ժողովրդային, քաղաքական թէ հեռատեսիլի միջոցով) : Եգիպտոսէն Տիար Արմէն Մազլումեան, իր կարգին ներկայացուց Եգիպտահայութեան կողմէ տարուած աշխատանքները Հայ Դատի 100-ամեակի առիթով (ըլլան անոնք մշակութային, ժողովրդային, քաղաքական թէ հեռատեսիլի միջոցով):
Զրուցավար Գեր. Հայր Բարսեղ Վրդ. Պաղտասարեան ներկայացնելէ ետք Դոկտ.Վահրամ Շէմմէսեանի կենսագրութիւնը՝ Դոկտ.ը ներկայացուց «Հայոց Ցեղասպանութեան առընչուող Միջին Արեւելեան Հայկական Արխիւներ»ը նիւթը, որոնք կ'ընդգրկէին Գահիրէի, Կիլիկիոյ Կաթողիկոսութեան, Պաղտատի եւ Երուսաղէմի արխիւները: Առիթ տրուեցաւ հարցումներու, որոնց սիրայօժար պատասխանեց զեկուցաբեր Դոկտ.ը լուսաբանելով զանոնք:

Դադարի մը ընթացքին՝ ներկաները հիւրասիրուեցան ժողովասրահին կից ընդունարանէն ներս:
Զրուցավարը կարդալէ ետք Պրն. Գէորգ Տէր Վարդանեանի կենսագրականը, ան իբր նիւթ ներկայացուց «Մեծ Եղեռնը եւ մեր Ձեռագրական Կորուստները» եւ անոնց արժէքը: Որմէ ետք, լուսաբանական հարցումներ ուղղուեցան անոր:
«Զմմառու Միաբանութեան Նահատակ՝ Երանելի Իգնատիոս Մալոյեան» խորագրով վերջին զեկոյցը, որը ջերմ ու պատկերաւոր կերպով ներկայացուց Գերյ. Հայր Անդրանիկ Ծ.Վ.Կռանեան:
Ժողովի աւարտին՝ Մեծաւոր Հայրը Գիտաժողովէն բխած երկու հիմնական առաջարկները ներկայացուց.
ա.- Արխիւային աշխատանքի նկատմամբ գետնի վրայ ուժ պատրաստել,
մանաւանդ հոգեւորականներէ,

բ.- Իւրաքանչիւր վայրի մէջ գտնուող արխիւները թուայնացնել եւ միւս բոլոր վայրերուն ուղարկել, որեւէ կորուստէ փրկելու միտումով:
Հուսկ Տիկ. Սեդա Խտըշեան խօսք առնելով Հայ Դատի 100-ամեակի յանձնախումբի անունով, փակման խօսքը կատարեց հայերէն եւ արաբերէն լեզուներով: Ան շնորհակալութիան յայտնեց Գերպ. Մուրատեանին որ կազմակերպեց եւ ընդունեց սոյն Գիտաժողովը վանքէն ներս:
Գիտաժողովէն ետք՝ ներկաները իրենց տպաւորութիւնները արձանագրեցին վանքիս Ոսկեմատեանին մէջ:
Փակման հանդիսութիւնը տեղի ունեցաւ Վանքիս մայր եկեղեցիէն ներս, ի ներկայութեան Ամեն.եւ Գերջ. Տէր Ներսէս Պետրոս ԺԹ. Կաթողիկոս Պատրիարքի Տանն Կիլիկիոյ Կաթողիկէ Հայոց, Հայաստանի Հանրապետութեան դերպան՝ Աշոտ Քոչարեանի և ի ներկայութեան հոծ բազմութեան: Իր Ողջոյնի խօսքը փոխանցեց Գերպ. Գաբրիէլ Մուրատեան: Հուսկ Դոտկ. Եդուարդ Թորիկեանի ղեկավարութեամբ՝ «Կռունկ» երգչախումբը ներկաները դիւթեց չորս երգերով, որմէ ետք կարդացուեցան Զմմառու Արխիւէն «Անտիպ Վկայութիւններ», և վերջապէս Գեր. Մաշտոց Վրտ. Զահթէրեանի ղեկավարութեամբ՝ Զմմառու Դպրեվանքի Ժառանգաւորները ներկայացուցին երկու շարականներ: «Տէրունական Աղօթք»ով եւ Կաթողիկոս Պատրիարքի օրհնութեամբ հանդիսութիւնը վերջ գտաւ ժամը 8:00-ին: Որմէ ետք ներկաները անգամ մը եւս հիւրասիրուեցան Մայրավանքիս մեծ դահլիճէն ներս:

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture