ՅՈՒՇԱՐԺԱՆ ՊԱՀԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Հ Հ Նախագահ Պրն. Սերժ Սարգսեանի այցելութիւնը եւ Ցուցահանդէսի բացում

Այս տարուայ տօնակատարութիւններուն շրջագիծին մէջ պատմական դէպք մը հանդիսացաւ 27 Նոյեմբեր 2012-ին, Հայաստանի Հանրապետութեան Նախագահ՝ Վսեմաշուք Պրն. Սերժ Սարգսեանի այցելութիւնը Զմմառու վանքին: Այս առթիւ՝ տեղի ունեցաւ Զմմառու վանքի Մշակոյթի նոր կեդրոնի բացումը, վանքի հիմնովին նորոգուած հնագոյն բաժնին մէջ,

որուն առաջին պտուղը հանդիսացաւ Ձեռագիր Մատեաններու եւ Հնատիպ Գիրքերու ցուցահանդէսը, կազմակերպութեամբ՝ Զմմառու Պատրիարքական Միաբանութեան վարչութեան:

ԳԼԽԱՒՈՐ ԼՈՒՐԵՐ

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

  • Ս. Աստուածածնի Վերափոխման Տօն
    Ս. Աստուածածնի Վերափոխման Տօն

    Կիրակի 18 Օգոստոս 2019-ին, առաւօտուն, Ս. Աստուածածնի Վերափոխման և մայրավանքի անուանակոչութեան տօնին, Տանն Կիլիկիոյ Կաթողիկէ Հայոց Ամենապատիւ և Գերեջանիկ Գրիգոր Պետրոս Ի. Կաթողիկոս Պատրիարքը, Հայրապետական Սուրբ և Անմահ Պատարագ մատուցանեց «Երանելի Նահատակ Իգնատիոս Արք. Մալոյեան» ամփիթատրոնին մէջ:

  • Վերափոխման՝ Նաւակատիքի Տօն
    Վերափոխման՝ Նաւակատիքի Տօն

       Շաբաթ 17 Օգոստոս 2019-ին, երեկոյեան ժամը 19:00-ին, տարիներու աւանդութեան համաձայն՝ Ս. Աստուածածնի Վերափոխման նախատօնին առթիւ՝ Զմմառու վանքի «Երանելի նահատակ Իգնատիոս Արք. Մալոյեան» բացօթեայ ամփիթատրոնին մէջ, Սուրբ եւ Անմահ Պատարագ մատուցեց Զմմառու դպրեվանքի փոխ-տեսուչ` Գեր. Հ. Տիգրան վրդ. Փիլիպոսեան:

View All

inside picture