ՅՈՒՇԱՐԺԱՆ ՊԱՀԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Միաբանական ընդհանուր Ընտրաժողով

Տանն Կիլիկիոյ կաթողիկէ Հայոց Ամենապատիւ և Գերերջանիկ Տէր Ներսէս Պետրոս ԺԹ. Կաթողիկոս Պատրիարքին նախագահութեամբ գումարուեցաւ ընդհանուր Ժողով, Չորեքշաբթի, 26 հոկտեմբեր 2011-ին, մասնակցութեամբ 28 պատուիրակներու, բաղկացած միաբան արքեպիսկոպոս,

եպիսկոպոս եւ վարդապետ հայրերէ, որոնք ժամանած էին աշխարհի չորս ծագերէն:
28 Հոկտեմբեր 2011-ին, ընդհանուր ժողովը սկսաւ ընտրել Պատրիարքական Փոխանորդն ու չորս խորհրդականները:
Հայր Գաբրիէլ Վրդ. Մուրատեան, ստացաւ ձայներու համեմատական մեծամասնութիւնը եւ ընտրուեցաւ Պատրիարքական Փոխանորդ Միաբանութեան: Հոգեւոր Տէրը հաստատեց ընտրութիւնը: Միաբանութեան ընդհանուր ժողովը ընտրեց նաեւ չորս վարչականներ՝ Գերյ. Հ. Անդրանիկ Ծ.Վ. Կռանեան՝ առաջին Խորհրդական, Հ. Բարսեղ Վրդ. Պաղտասարեան՝ ընդհանուր մատակարար եւ Տեսուչ Զմմառի «Երանելի Մալոյեան» եւ «Ս. Միքայէլ» դպրեվանքերուն, Հ. Մովսէս Վրդ. Տօնանեան՝ Միաբանութեան ընդհանուր քարտուղար, մատենադարանապետ, թանգարանապետ ու լուսարար եւ Հ. Եղիա Վրդ. Դերձակեան՝ ներքին մատակարար:
Նոյն օրը, Ամենապատիւ Հոգեւոր Տէրը Թագադիր Ծայրագոյն Վարդապետի աստիճանի կարգը կատարեց՝ նորընտիր Պատրիարքական Փոխանորդին՝ մատանի, լանջախաչ, խոյր եւ եպիսկոպոսական գաւազան շնորհելով: Ներկայ էին ժողովական հայրերը եւ նորընտիր Պատրիարքական Փոխանորդին պարագաները:

ԳԼԽԱՒՈՐ ԼՈՒՐԵՐ

  • Իտալական Եպիսկոպոսաց Ժողովի Քարտուղարը Զմմառու մէջ
    Իտալական Եպիսկոպոսաց Ժողովի Քարտուղարը Զմմառու մէջ

    Երկուշաբթի 5 Յունիս 2017-ին, առաւօտուն, Ամենապատիւ Հոգեւոր Տիրոջ գլխաւորութեամբ՝ Զմմառու վանք այցելեցին Լիբանանի մօտ Պապական Նուիրակ՝ Կապրիէլէ Քաչիա, Իտալական Եպիսկոպոսաց Ժողովի (CEI) Ընդհանուր Քարտուղար՝ Արհիապատիւ Հ. Նունցիօ Եպս. Կալանդինօ և Հ. Անթօնիօ Մասդանդուօնօ,

  • Մայիսեան Ջերմեռանդութեան Փակում եւ Քահանայական Ձեռնադրութիւն
    Մայիսեան Ջերմեռանդութեան Փակում եւ Քահանայական Ձեռնադրութիւն

    Ընկալեալ սովորութեան համաձայն՝ իւրաքանչիւր տարուայ Մայիսի վերջին կիրակին վերածուած է Զմմառու Տիրամօր ուխտի օրուայ: Այս տարի եւս 28 Մայիս 2017-ի առաւօտեան ժամը 10:00-ին, Զմմառու Պատրիրարքական միաբանութեան հայրերը՝ մեծ սիրով հիւրընկալեցին՝ Զմմառու մայրավանք բարձրացող Լիբանանահայ հաւատացեալներու հոծ բազմութիւնը, որոնք եկած էին իրենց ուխտը կատարելու՝ Զմմառու հրաշագործ Տիրամօր առաջ:

  • ՏՕՆ ՅԱՐՈՒԹԵԱՆ
    ՏՕՆ ՅԱՐՈՒԹԵԱՆ

    Կիրակի 16 Ապրիլ 2017-ին, Զատիկ Յարութեան Տ.Մ. Յիսուսի Քրիստոսի:
    Քրիստոնէական Եկեղեցւոյ մեծագոյն տօնը Քրիստոսի յարութիւնն է: Պսակումը Աստուածորդւոյն փրկագործութեան խորհուրդին:

  • Աւագ Շաբթուայ արարողութիւնները Զմմառու Վանքին մէջ
    Աւագ Շաբթուայ արարողութիւնները Զմմառու Վանքին մէջ

    Ոտնլուայ և Համապատարագ
    Աւագ Հինգշաբթի 13 Ապրիլ 2017-ին, յետմիջօրէի ժամը 16.00-ին, Զմմառու վանքի Մայր Տաճարին մէջ, տեղի ունեցաւ Ոտնլուայի արարողութիւնը,

View All

inside picture