ՅՈՒՇԱՐԺԱՆ ՊԱՀԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Զմմառու Միաբանութեան Պատրիարքական Փոխանորդին անդրանիկ այցը Հայաստան

Զմմառու Միաբանութեան Պատրիարքական Փոխանորդ եւ Զմմառու Վանքին Մեծաւոր՝ Գերապայծառ Հայր Գաբրիէլ Թ.Ծ.Վ. Մուրատեան, իր պաշտօնական անդրանիկ այցելութիւնը կատարեց Հայաստան, Շաբաթ 18 Օգոստոսէն մինչեւ Ուրբաթ 24 Օգոստոս, ընկերակցութեամբ գերապատիւ

Հայր Սեպուհ Վրդ. Կարապետեանի: Մեծաւոր Հայրը այցելեց Մայր Աթոռ Սուրբ Էջմիածին,Երեքշաբթի 21 օգոստոսին, կէսօրուայ ժամը 1:30-ին:Այս այցելութեան նպատակն էր աւելի մօտէն ծանօթանալ իրարու՝ ի սպաս Հայ Եկեղեցւոյ միութեան: Գերապայծառ Մուրատեանը բաց հրաւէրով մը փափաք յայտնեց Վեհափառին որ Զմմառու վանքն այցելէ, եւ անոր նուիրեց Զմմառու Տիրամօր արծաթեայ պատկերն ու վանքիս 250-ամեակի նուիրուած ոսկեայ մետալը: Վեհափառ Հայրապետն ալ իր կարգին Մայր Աթոռ Սուրբ Էջմիածնի արծաթեայ պատկերը նուիրեց Գերապայծառին: Գերապայծառ Հայրը ընկերակցութեամբ Գերապայծառ Հայր Ռաֆայէլ Եպս. Մինասեանը եւ Գերապատիւ Հայր Սեպուհ Վրդ. Կարապետեանի, այցելեց Սփիւռքի նախարար Տիկ. Հրանուշ Յակոբեանին, որ յատուկէն անդրադարձաւ Զմմառու վանքին մասին, ըսելով. «Ինծի համար Զմմառը դարձաւ այն վայրը ու Իմ սրտիս մէկ կտորը թողեցի եկայ, որովհետեւ հայկականութեամբ է լեցուած: Անոնք որոնք Զմմառու մասին քիչ գիտեն, հայկականութեան մասին քիչ գիտեն: Առաջին հերթին պէտք է մտածել Զմմառը հանրահռչակել»: Գերապայծառ Հայր Գաբրիէլ Թ.Ծ.Վ. Մուրատեանը պաշտօնապէս հրաւիրեց նախարարուհին, հովանաւորելու Զմմառու վանքի մշակոյթի կեդրոնի եւ Մատենադարանի վերաբացման հանդիսութեան, ինչպէս նաեւ Հայկական ձեռագիրներու եւ Հնատիպ Գիրքերու ցուցահանդէսին: Տիկ. Յակոբեանը մեծ ուրախութեամբ ընդունեց հովանաւորել այս ձեռնարկը, ինչպէս նաեւ մօտիկ ապագային համար մշակելիք ծրագիրներ առաջարկեց, որպէսզի Զմմառու Միաբանութեան ներկայութիւնը աւելի շօշափելի դառնայ Հայաստանի մէջ: Գերապայծառ Հայրը այցելեց նաեւ Մատենադարանը և հայ կաթողիկէ համայնքի հոգեւոր եւ մշակութային կառոյցները:

ԳԼԽԱՒՈՐ ԼՈՒՐԵՐ

  • Գիտաժողով Վենետիկի Ս. Ղազար կղզիին մէջ
    Գիտաժողով Վենետիկի Ս. Ղազար կղզիին մէջ
    2017-18 թուին, մեծ շուքով յիշատակուեցաւ Մխիթարեան Միաբանութեան, Վենետիկի Ս. Ղազար կղզի հաստատման երեք հարիւրամեակը: Այս առթիւ կազմակերպուեցան յոբելինական հանդիսութիւններ, որոնց շարքին նաեւ գիտաժողով մը՝ «Մխիթար և Մխիթարեաններ. Քրիստոնէական լուսաւորութեան դպրանոց մը» տիտղոսով: 
  • ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    Հնաւուրց Զմմառու Մայրավանքի՝ խնկաբոյր Ս. Կուսի Վերափոխման եկեղեցւոյ մէջ՝ Քրիստոսի Հրաշափառ Յարութեան օրը, 1 ապրիլ 2018ին, առաւել ուրախ եւ խանդավառ մթնոլորտ մը կը թեւածէր:
  • Ծաղկազարդ
    Ծաղկազարդ

        Կիրակի 25 Մարտ 2018-ին, Ծաղկազարդի տօնին առթիւ՝ առաւօտեան ժամը 10:30-ին, Զմմառու վանքի մայր տաճարին մէջ պատարագեց և քարոզեց Զմմառու Պատրիարքական Կղերի Միաբանութեան Փոխանորդ և վանքիս Մեծաւոր՝ Գերպ. Հ. Գաբրիէլ Թ.Ծ.Վ. Մուրատեան: 


        Մեծաւոր Հայրը անդրադառնալով Ծաղկազարդի խորհուրդին, ըսաւ. «Պատմութեան ընթացքին բազմաթիւ արքաներ յաղթական մուտք գործեցին Երուսաղէմ, սակայն անոնք երկրաւոր և ժամանակաւոր էին: Իսկ Քրիստոս իբրեւ յաւիտենական և երկնաւոր արքայ մուտք գործեց Երուսաղէմ քաղաք»:
       Ս. Պատարագի աւարտին, տեղի ունեցաւ ձիթենիի ճիւղերու օրհնութիւն: Այնուհետեւ պատարագիչ Հայրը, վանքիս Վարչական Խորհուրդի ու վանաբնակ հայրերը, «Ս. Միքայէլ» և «Երան. Մալոյեան» դպրեվանքի սաները, ինչպէս նաեւ բազմաթիւ ուխտաւոր հայորդիներ թափօրով ուղղուեցան դէպի վանքիս մայր եկեղեցւոյ աւագ դուռը, ուր տեղի ունեցաւ Անդաստան և օրհնուեցան աշխարհի չորս ծագերը: 
        Ծաղկազարդի տօնակատարութեան յաջորդեց Դռնբացէքի հնաւանդ արարողութիւնը, որմէ ետք՝ վանքի մայր դահլիճին մէջ տեղի ունեցաւ շնորհաւորութիւն և յաւուր պատշաճի հիւրասիրութիւն:
     
  • ՀՀ Վարչապետ Տիար Կարէն Կարապետեան Զմմառու մէջ
    ՀՀ Վարչապետ Տիար Կարէն Կարապետեան Զմմառու մէջ
    Երեքշաբթի 13 Մարտ 2018-ին, յետմիջօրէին, ՀՀ Վարչապետ Տիար Կարէն Կարապետեան և անոր ընկերացող պետական պատուիրակութիւնը,  որուն մաս կը կազմէր Սփիւռքի նախարար՝ Ազնուափայլ Տիկին Հրանուշ Յակոբեան և այլ հայրենի և սփիւռքահայ պատասխանատու անձնաւորութիւններ, պաշտօնական այցելութիւն մը տուին Հայ Կաթողիկէ Պատրիարքական պատմական Աթոռ և Զմմառու Պատրիարքական Կղերի Միաբանութեան Տիրամօր վանք: 
View All

inside picture