Պատրիարքական Աթոռ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Աբրահամ Պետրոս Ա. Արծիւեան (1679-1749)

Վերականգնող Հայ Կաթողիկէ Պատրիարքութեան:
Աբրահամ Արծիւեան ծնաւ Անթապ: Կաթողիկէ քարոզիչ Մելքոն վրդ. 2Թազպազեանին աշակերտելէ ետք, հոգեւոր ասպարէզին նուիրուելով՝ մտաւ Սսոյ Պետրոս Բ. Կաթողիկոսին ծառայութեան մէջ, որ զինք վարդապետական աստիճանի բարձրացուց, ապա Հալէպի Եպիսկոպոս ձեռնադրեց 1710-ին:
1714-ին, Հայ կաթողիկէները Պոլսոյ մէջ ռժողով կը գումարեն ու կ'որոշեն անկախ Հայ Կաթողիկէ Եկեղեցի մը հիմնել եւ Մարտինի Մելքոն Եպս. Թազպանեանը առաջին Պատրիարք կը նշանակեն:

Արծիւեան, 17 տարեկան Քրէյմ մնալով, իր այս կամաւոր բանտարկութեան շրջանին, կը հիմնէ Անտոնեան Հայ Միաբանութիւնը, կը կառուցանէ վանքին եկեղեցին, միանգամայն հեռուէն հովուելով Հալէպի Հայ կաթողիկէ իր ժողովուրդը, իր տեղապահ Յակոբ Վրդ. Յովսէփեանին միջոցով:
Հալէպի հայ կաթողիկէները, 1738-ին եկեղեցի մը ձեռք կը ձգեն ու Արծիւեանը Հալէպ վերադարձնելու արտօնագիրն ալ կը հանեն (1739): Անոնք վճռած են անկախ Պատրիարքութիւն մը ունենալ, յանձին իրենց Եպիսկոպոսին, որ Հալէպ հասնելով, յոյն կաթողիկէ եպիսկոպոսներու օժանդակութեամբ, իր փոխանորդ Յակոբ վրդ. ու երկու ուրիշ հոգեւորականներ եպիսկոպոս կը ձեռնադրէ:
Պատրիարքական ընտրութիւնը վաւերացնելու համար, Արծիւեան Հռոմ կը մեկնի, ներկայանալու Բենեդիկտոս ԺԴ. Պապին:
Վտարուած Լիբանանի Լեռներուն մէկ խոր անկիւնը, իր շուրջ ունենալով միայն 6 Եպիսկոպոս ու 22 անտոնեան հայ կրօնաւորներ, ան պիտի պայքարէր իրեն յանձնուած առաքելութիւնը կատարելու: Հալածանքներէ հիւծած ու օսմանեան բանտերէն մաշած, ան մեկնեցաւ հանգչիլ իր Տիրոջ մօտ, Յակոբ Եպս. Յովսէփեանը իր յաջորդը նկատելէ ետք:

ԳԼԽԱՒՈՐ ԼՈՒՐԵՐ

  • ԳՈՅԺ
    ԳՈՅԺ

    «Ես եմ Յարութիւն և կեանք»

    Զմմառու Ցաւագին Տիրամօր վանքէն սրտի խոր կսկիծով և յուզումով կը գուժենք, թէ Զմմառու Պատրիարքական Կղերի Միաբանութեան երիցագոյն անդամներէն՝ Հ. Գասպար Վ. Պէյլէրեան յետ երկարատեւ հիւանդութեան հանգեաւ ի Տէր, Չորեքշաբթի 6 Սեպտեմբեր 2017-ին, առաւօտեան ժամը 7:00-ին, Պոլսոյ մէջ: 

  • ՀԲԸՄ-ի նախագահը կ՚այցելէ Զմմառու Տիրամօր Վանքը
    ՀԲԸՄ-ի նախագահը կ՚այցելէ Զմմառու Տիրամօր Վանքը

    Կիրակի, 27 Օգիստոս 2017-ին, առաւօտուն, Զմմառու Տիրամօր վանքը այցելեց ՀԲԸՄ՝ աշխարհի հայկական մեծագոյն Բարեգործական Միութեան նախագահ՝ Տիար Պերճ Սեդրակեան, 

  • Ս. Աստուածածնի Վերափոխման տօնը Զմմառու վանքին մէջ
    Ս. Աստուածածնի Վերափոխման տօնը Զմմառու վանքին մէջ

    Շաբաթ 12 Օգոստոս 2017-ին, երեկոյեան ժամը 19:00-ին, Ս. Աստուածածնի Վերափոխման տօնին նախօրեակին, Զմմառու միաբան՝ Հ. Տիգրան Վրդ. Փիլիպոսեան հանդիսաւոր Ս. Պատարագ մատուցեց Զմմառու վանքի «Երանելի Մալոյեան» ամփիթատրոնին մէջ, Զմմառու և շրջակայ գիւղերու ուխտաւոր հաւատացեալներու համար:

  • Իտալական Եպիսկոպոսաց Ժողովի Քարտուղարը Զմմառու մէջ
    Իտալական Եպիսկոպոսաց Ժողովի Քարտուղարը Զմմառու մէջ

    Երկուշաբթի 5 Յունիս 2017-ին, առաւօտուն, Ամենապատիւ Հոգեւոր Տիրոջ գլխաւորութեամբ՝ Զմմառու վանք այցելեցին Լիբանանի մօտ Պապական Նուիրակ՝ Կապրիէլէ Քաչիա, Իտալական Եպիսկոպոսաց Ժողովի (CEI) Ընդհանուր Քարտուղար՝ Արհիապատիւ Հ. Նունցիօ Եպս. Կալանդինօ և Հ. Անթօնիօ Մասդանդուօնօ,

View All

inside picture