Պատրիարքական Աթոռ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Յակոբ Պետրոս Բ. Յովսէփեան (1749-1753)

Հիմնադիր Զմմառու Վանքին:
Յակոբ Յովսէփեան Հալեպցի երիտասարդը տասը տարի Քատիշայի Ս. 3Անտոն վանքին մէջ կրօնաւորական կեանք վարելէ ետք, իր ծննդավայրը կը վերադառնայ եւ Հալէպի առաջնորդ Արծիւեանի ձեռքով վարդապետ կը ձեռնադրուի 1720-ին:

1735-ին, Հալէպ դառնալով որպէս տեղապահ, Յակոբ վարդապետ կը յաջողի փաշային ձեռքով եկեղեցի մը ունենալ եւ Արծիւեանն ալ Հալէպ վերադարձնել (1739): Արծիւեան, Հալէպ հասած, Յակոբ վարդապետը եւ ուրիշ երկու վադապետներ եպիսկոպոս կը ձեռնադրէ եւ անոնց՝ Պատրիարք կ'օծուի 26 նոյեմբեր 1749-ին:
Յակոբ Եպս.

Ժամանակ մը Հալէպի ին թեմը հովուելէ ետք, կը հարկադրուի ապաստանիլ Քրէյմ, Արծիեանի մօտ: 35 տարիներ Արծիւեանի որպէս օգնական ծառայելէ ետք, անոր վախճնումէն ետք, անոր յաջորդ կ'ընտրուի 14 Հոկտ. 1740-ին:


Իր 4 տարինէրու Պատրիարքութեան կարճատեւ շրջանը կը յատկացնէ Զմմառու վանքը կառուցանելու եւ հոն Պատրիարքութեան Աթոռը Քրէյմէն փոխադրելու 1749-ին, ինչպէս հրահանգած էր հիմնադիր Պատրիարք Հայրը, որուն կենդանութեան օրով իսկ վանքին շինութեան ձեռնարկած էր:


Յակոբ Բ. Աբրահամ Արծիւեանին հետ, հիմնադիրը եղաւ թէ՛ Անտոնեան Միաբանութեան եւ թէ՛ Քրէյմի վաքին:

ԳԼԽԱՒՈՐ ԼՈՒՐԵՐ

  • Վանքերու և Սրբավայրերու ուխտագնացութեան միութեան հերթական ժողովը
    Վանքերու և Սրբավայրերու ուխտագնացութեան միութեան հերթական ժողովը

    Շաբաթ 3 Փետրուար 2018-ին, առաւօտեան ժամը 10:00-ին, Զմմառու վանքին մէջ գումարուեցաւ Վանքերու և Սրբավայրերու ուխտագնացութեան միութեան հերթական ժողովը:

  • Յարութ փամբուկճեան վանքը կ'այցելէ
    Յարութ փամբուկճեան վանքը կ'այցելէ

    Շաբաթ 6 Յունուար 2018-ին, կէսօրուայ ժամուն, Զմմառու վանք այցելեց հայ ժողովրդային երգիչ՝ Յարութ փամբուկճեան, ընկերակցութեամբ իր նուագախումբի անդամներուն և արուեստագէտ Պրն. Անթուան Պեզճեանի:

  • Աստուածայայտնութեան տօն
    Աստուածայայտնութեան տօն

    Շաբաթ 6 Յունուար 2018-ին, առաւօտեան ժամը 10:30-ին, Աստուածայայտնութեան տօնին, Զմմառու Վանքի Մայր Տաճարին մէջ, Զմմառու Մայրավանքի Ընդհանուր Մատակարար՝ Հ. Անտոն Վրդ. Նորատունկեան Ս. Պատարագ մատուցանեց:

  • UNIFIL-էն Պատուիրակութիւն մը Զմմառ կ՛այցելէ
    UNIFIL-էն Պատուիրակութիւն մը Զմմառ կ՛այցելէ

    Շաբաթ 30 Դեկտեմբեր 2017-ին, առաւօտեան ժամը 11-ին, Զմմառու վանք այցելեցին Լիբանանի հարաւային Շամա բնակավայրէն Խաղաղապահ Զօրախումբի՝ UNIFIL-էն Պատուիրակութիւն մը, նախագահութեամբ՝ հրամանատար Րօտոլֆօ Զկանկայի եւ ընկերակցութեամբ Լիբանանի մօտ Պապական Նուիրակի տեղապահ՝ Գեր. Հ. Իվան Սանթուսի:

View All

inside picture