ՀԻՒՐԸՆԿԱԼՈՒԹԻՒՆ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Օթեւան

Բնութիւնը իր բոլոր բարիքներով եւ հրաշալի տեսարաններով օժտած է Զմմառի վանքը. լեռ, ծով, մշտադալար ծառեր, կապոյտ երկինք եւ

ամփոփումի նպաստող լռութիւն: Զմմառի կատարէն մինչեւ Միջերկրականի կապոյտը, փռուած է կանաչ թաւիշը պատմական մայրիներուն Լիբանանի: Համայնապատկեր մը հրաշալի եւ զգլխիչ՝ գերբնական ու նկարագրութենէ վեր զգացում մը մարդ կ՛ունենայ լուսադէմին կամ մայրամուտին, երբ կը հնչէ խմբերգը վանական զանգակներուն, արձագանգ տալով հեռակայ բլուրներուն:
Զմմառի Վանքի կարմիր կղմինտրէ տանիքներուն վրայ, ամէն առաւօտ թռչուններ կը դայլալեն՝ կարծէք կ'երգեն փառքը Արարչին:
Իր հնամենի աւանդութեան համաձայն, ամբողջ տարւոյն ընթացքին, Զմմառու վանքը գրկաբաց և սիրով կ'ընդունի դպրոցական, համալսարանական և ուսումնասիրական խումբեր, նաեւ սկաուտական և պատանեկան շարժումներ, որոնք կու գան թրծուելու հոն տիրող հոգեւոր մթնոլորտէն:
Զանազան հիմարկներու պաշտօնէութեան կամ ուսուցչական կազմի համար կը կազմակերպուին նաեւ յատուկ դաստիարակչական լսարաններ: Նախօրօք առնուած ժամադրութեամբ՝ Զբօսաշրջութեան, Մշակութային Նախարարութեանց և Հայաստանի Դեսպանատան կողմէ ուղարկուած զբօսաշրջիկ խումբեր եւս յաճախ կ'այցելեն վանքիս եկեղեցին, թանգարանը, Մատենադարանը և գինեմառանը ու հիասքանչ և տպաւորուած կը մնան անոր հնամենի պատմութեան, թանգարանային արժէքաւոր իրերուն և հնատիպ մատեաններուն վրայ:
«Վերափոխեալ Սուրբ Կոյսին» փառքին նուիրուած գեղակառոյց տաճարին մէջ, եւ անոր կամարակապ ու գմբեթարդ յարկին տակ, սրբակեաց հայրապետներու եւ անձնուէր վարդապետներուն հոգին կը սաւառնի եւ հայ շարականներու հոգեշունչ երգերն ու մելանոյշ մեղեդիները կ'արձագանգեն: Անոնք տարուան բոլոր եղանակներուն, ամէն ազգէ ուխտի եկող բարեպաշտ հաւատացեալներուն հոգին կը պարարեն եւ անոնց միտքը, խորհուրդներու աշխարհը կ'առաջնորդեն դէպի Աստուած:

{gallery}hospitality/1{/gallery

ԳԼԽԱՒՈՐ ԼՈՒՐԵՐ

  • Գիտաժողով Վենետիկի Ս. Ղազար կղզիին մէջ
    Գիտաժողով Վենետիկի Ս. Ղազար կղզիին մէջ
    2017-18 թուին, մեծ շուքով յիշատակուեցաւ Մխիթարեան Միաբանութեան, Վենետիկի Ս. Ղազար կղզի հաստատման երեք հարիւրամեակը: Այս առթիւ կազմակերպուեցան յոբելինական հանդիսութիւններ, որոնց շարքին նաեւ գիտաժողով մը՝ «Մխիթար և Մխիթարեաններ. Քրիստոնէական լուսաւորութեան դպրանոց մը» տիտղոսով: 
  • ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    ՅԱՐՈՒԹԻՒՆ Տ.Մ.Յ. ՔՐԻՍՏՈՍԻ
    Հնաւուրց Զմմառու Մայրավանքի՝ խնկաբոյր Ս. Կուսի Վերափոխման եկեղեցւոյ մէջ՝ Քրիստոսի Հրաշափառ Յարութեան օրը, 1 ապրիլ 2018ին, առաւել ուրախ եւ խանդավառ մթնոլորտ մը կը թեւածէր:
  • Ծաղկազարդ
    Ծաղկազարդ

        Կիրակի 25 Մարտ 2018-ին, Ծաղկազարդի տօնին առթիւ՝ առաւօտեան ժամը 10:30-ին, Զմմառու վանքի մայր տաճարին մէջ պատարագեց և քարոզեց Զմմառու Պատրիարքական Կղերի Միաբանութեան Փոխանորդ և վանքիս Մեծաւոր՝ Գերպ. Հ. Գաբրիէլ Թ.Ծ.Վ. Մուրատեան: 


        Մեծաւոր Հայրը անդրադառնալով Ծաղկազարդի խորհուրդին, ըսաւ. «Պատմութեան ընթացքին բազմաթիւ արքաներ յաղթական մուտք գործեցին Երուսաղէմ, սակայն անոնք երկրաւոր և ժամանակաւոր էին: Իսկ Քրիստոս իբրեւ յաւիտենական և երկնաւոր արքայ մուտք գործեց Երուսաղէմ քաղաք»:
       Ս. Պատարագի աւարտին, տեղի ունեցաւ ձիթենիի ճիւղերու օրհնութիւն: Այնուհետեւ պատարագիչ Հայրը, վանքիս Վարչական Խորհուրդի ու վանաբնակ հայրերը, «Ս. Միքայէլ» և «Երան. Մալոյեան» դպրեվանքի սաները, ինչպէս նաեւ բազմաթիւ ուխտաւոր հայորդիներ թափօրով ուղղուեցան դէպի վանքիս մայր եկեղեցւոյ աւագ դուռը, ուր տեղի ունեցաւ Անդաստան և օրհնուեցան աշխարհի չորս ծագերը: 
        Ծաղկազարդի տօնակատարութեան յաջորդեց Դռնբացէքի հնաւանդ արարողութիւնը, որմէ ետք՝ վանքի մայր դահլիճին մէջ տեղի ունեցաւ շնորհաւորութիւն և յաւուր պատշաճի հիւրասիրութիւն:
     
  • ՀՀ Վարչապետ Տիար Կարէն Կարապետեան Զմմառու մէջ
    ՀՀ Վարչապետ Տիար Կարէն Կարապետեան Զմմառու մէջ
    Երեքշաբթի 13 Մարտ 2018-ին, յետմիջօրէին, ՀՀ Վարչապետ Տիար Կարէն Կարապետեան և անոր ընկերացող պետական պատուիրակութիւնը,  որուն մաս կը կազմէր Սփիւռքի նախարար՝ Ազնուափայլ Տիկին Հրանուշ Յակոբեան և այլ հայրենի և սփիւռքահայ պատասխանատու անձնաւորութիւններ, պաշտօնական այցելութիւն մը տուին Հայ Կաթողիկէ Պատրիարքական պատմական Աթոռ և Զմմառու Պատրիարքական Կղերի Միաբանութեան Տիրամօր վանք: 
View All

inside picture