Զմմառու վանքը կը հրապուրէ նաեւ մեր երիտասարդները, որոնք ամառ թէ ձմեռ հերթաբար Զմմառ կը բարձրանան հոգեպէս կազդուրուելու եւ

վերանորոգուելու համար հոն տիրող անդորր մթնոլորտին մէջ, շրջապատուած կանաչազարդ դաշտերով եւ անտառներով: Նմանապէս ՀԿՄ Պատանեկանը ամառ թէ՛ ձմեռ բանակումներ կը կատարէ Զմմառի հովանիին ներքեւ: Վանաբնակ վարդապետները ժառանգաւորներուն հետ օգտակար կ'ըլլան անոնց՝ Ս. Պատարագ մատուցանելով, հոգեւոր զրոյցներով և դասախօսութիւններով: Փոխադարձաբար ՀԿՄ –ի երիտասարդները պատրաստ կը գտնուին օժանդակելու վանքի բոլոր ձեռնարկներուն, մանաւանդ՝ ուխտագնացութեան օրերուն: