նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ճրագալոյց Ս. Ծննդեան

 
Կիրակի 24 Դեկտեմբեր 2017 երեկոյեան ժամը 5-ին, Զմմառու վանքի մայր տաճարին մէջ տօնուեցաւ Ս. Ծննդեան ճրագալոյցը: Երեկոյեան ժամերգութենէն ետք, Մարգարէական ընթերցումներ կատարուեցան, որուն յաջորդեց Ճրագալոյցի Ս. Պատարագը, զոր մատոյց Զմմառու  վանքի փոխ Մեծաւոր՝ Գեր. Հ. Անտոն Վրդ. Նորատունկեան: Ներկայ գտնուեցան Զմմառու Պատրիարքական Կղերի Միաբանութեան Փոխանորդ և վանքի Մեծաւոր՝ Հ. Գաբրիէլ Թ.Ծ.Վ. Մուրատեան, Վարչական հայրեր, «Անարատ Յղութեան» Միաբանութեան առաքինազարդ քոյրեր և դպրեվանքի սաներուն հարազատները: Այս առթիւ՝ Հ. Անտոն իր խօսքը ուղղելով ներկաներուն, ըսաւ. «Այս դարուս մէջ, երբ շատեր իրենք զիրենք թագաւոր կը հռչակեն տիրելու համար աշխարհին, սակայն անոնց կեանքը և իշխանութիւնը սահմանափակ է և ժամանակաւոր: Բէթղեհէմի քարայրին մէջ ծնած աղքատիկ Յիսուս Մանուկի լոյսը կը լուսաւորէ համայն աշխարհը: Այսօր հակառակ որ Միջին Արեւելքը կը խարխափի պատերազմի արհաւիրքին մէջ, սակայն Քրիստոսի Ծնունդը մեզմէ իւրաքանչիւրին նոր յոյս կը ներշնչէ, ապրելու համար Աստուծոյ շնորհքով լեցուած քրիստոնավայել կեանք մը: Յիսուս երկինքէն իջաւ և մեր մէջ բնակեցաւ»: Ս. Պատարագի աւարտին՝ պատարագիչ Հայրը Մանուկ Յիսուսին մսուրը օրհնեց «Խորհուրդ Մեծ և սքանչելի» շարականի երգեցողութեան միջոցին: Ապա խթման ընթրիքը տեղի ունեցաւ ժառանգաւորաց հարազատներուն ներկայութեամբ:

ԳԼԽԱՒՈՐ ԼՈՒՐԵՐ

  • Ճրագալոյց Ս. Ծննդեան
    Ճրագալոյց Ս. Ծննդեան
     
    Կիրակի 24 Դեկտեմբեր 2017 երեկոյեան ժամը 5-ին, Զմմառու վանքի մայր տաճարին մէջ տօնուեցաւ Ս. Ծննդեան ճրագալոյցը:
  • UNIFIL-էն Պատուիրակութիւն մը Զմմառ կ՛այցելէ
    UNIFIL-էն Պատուիրակութիւն մը Զմմառ կ՛այցելէ

    Շաբաթ 30 Դեկտեմբեր 2017-ին, առաւօտեան ժամը 11-ին, Զմմառու վանք այցելեցին Լիբանանի հարաւային Շամա բնակավայրէն Խաղաղապահ Զօրախումբի՝ UNIFIL-էն Պատուիրակութիւն մը, նախագահութեամբ՝ հրամանատար Րօտոլֆօ Զկանկայի եւ ընկերակցութեամբ Լիբանանի մօտ Պապական Նուիրակի տեղապահ՝ Գեր. Հ. Իվան Սանթուսի:

  • Մարոնի Առաջնորդ՝ Փոլ եպիսկոպոս Ռուհանան և թեմական քանանաները Վանքին մէջ:
    Մարոնի Առաջնորդ՝ Փոլ եպիսկոպոս Ռուհանան և թեմական քանանաները Վանքին մէջ:

    Շաբաթ 30 Դեկտեմբեր 2017-ին, առաւօտեան ժամը 10-ին, Զմմառու վանք այցելութիւն տուին՝ Ճուպպէի, Սարպայի եւ Ճիւնիի Մարոնի Առաջնորդ՝ Փոլ եպիսկոպոս Ռուհանան և թեմական քանանաները:

  • Ս. Ծնունդ
    Ս. Ծնունդ
    Երկուշաբթի 25 Դեկտեմբեր 2017-ին, առաւօտեան ժամը 10:30-ին, Զմմառու վանքի մայր տաճարին մէջ, մեր Տիրոջ Յիսուսի Քրիստոսի Ս. Ծնունդը տօնուեցաւ:
View All

inside picture