նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Յարութ փամբուկճեան վանքը կ'այցելէ

Շաբաթ 6 Յունուար 2018-ին, կէսօրուայ ժամուն, Զմմառու վանք այցելեց հայ ժողովրդային երգիչ՝ Յարութ փամբուկճեան, ընկերակցութեամբ իր նուագախումբի անդամներուն և արուեստագէտ Պրն. Անթուան Պեզճեանի:

Վանքի դահլիճին մէջ, Վարչական Հայրերը դիմաւորելէ ետք յարգոյ հիւրերը, հակիրճ նկարագրականը կատարեցին Զմմառու վանքի հիմնադրութեան, որմէ ետք յաւուր պատշաճի հիւրասիրութիւն կատարուեցաւ: Այնուհետեւ անոնք շրջագայեցան վանքիս զանազան մասերը՝ մայր տաճար, թանգարան, մատենադարան և գինեմառան: Մեծապէս տպաւորուած վանքի հոգեշունչ մթնոլորտէն, վանքիս մայր տաճարին մէջ, Պրն. Փամբուկճեան հայ եկեղեցւոյ շարականներէն մասունք մը ներկայացուց ներկաներուն. երգ մը որ աւանդ մնացած էր իր հանցուցեալ մօրմէն: Այցելութեան աւարտին հիւրերը սրտագին գոհունակութիւն յայտնեցին այս սիրալիր ընդունելութեան համար, որ անթառամ պիտի մնայ իրենց յիշողութեան մէջ:

ԳԼԽԱՒՈՐ ԼՈՒՐԵՐ

  • 《կանչ հրեշտակապետին》 տարեգիրքի 19-րդ համարը
    《կանչ հրեշտակապետին》 տարեգիրքի 19-րդ համարը

     Շաբաթ 11 Նոյեմբեր 2018-ին, լոյս տեսաւ` Սուրբ Միքայէլ ընծայարանի 《կանչ հրեշտակապետին》 տարեգիրքի 19-րդ համարը, ձօնուած` դպրեվանքի բարերարներէն` Միքայէլ Աղա Յովհան Բաբումեանի մահուան 225-ամեայ յոբելեանին:

  • Հրեշտակապետաց տօնը՝ ՍՈԻՐԲ ՄԻՔԱՅԷԼ դպրեվանքին մէջ։
    Հրեշտակապետաց տօնը՝ ՍՈԻՐԲ ՄԻՔԱՅԷԼ դպրեվանքին մէջ։

    Աւանդութեան համաձայն, այս տարի եւս Ս. Միքայէլ ընծայարանին մէջ նշուեցաւ կրթօճախին անուանակոչութիւնը` նուիրուած դպրատան գլխաւոր բարերար Միքայէլ աղա Յովհան Բաբումեանի մահուան 225-ամեակին:

  • Զմմառու Պատրիարքական Կղերի Միաբանութեան Փոխանորդի այցելութիւնը Հայաստան
    Զմմառու Պատրիարքական Կղերի Միաբանութեան Փոխանորդի այցելութիւնը Հայաստան

    Զմմառու Պատրիարքական Կղերի Միաբանութիւնը իր հիմնադրութեան օրէն՝ նուիրուեցաւ հայ ժողովուրդին ծառայութեան և իր բաժինը բերաւ հոգեւոր սնունդ մատակարարելով Մայր Հայրենիքի և Սփիւռքի Կաթողիկէ Հայոց:

  • Էմմանուէլ Արք. Տապպաղեան ոչ եւս է
    Էմմանուէլ Արք. Տապպաղեան ոչ եւս է

    Ողջոյն քեզ Սուրբ Եկեղեցի։ Ողջոյն քեզ սեղան սրբութեան։ Ողջոյն ձեզ դասք քահանայութեան։ Ողջոյն ձեզ հաւատացեալ եղբարք իմ ի Քրիստոս։ Ողջոյն ձեզ համօրէն ժողովրդականք։ Ես ճանապարհորդեցի առ Արարիչ իմ։ Ես ճանապարհորդեցի առ Քրիստոս յոյս ամենեցուն:

View All

inside picture