նորություններ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Ս.Միքայէլ ընծայարանի անուանակոչութիւնը

Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

Ներկայութեամբ` Զմմառու Պատրիարքական կղերի Միաբանութեան Վանքի Մեծաւոր Գերապայծառ Գաբրիէլ Թ.Ծ.Վ. Մուրատեանի, հայ կաթողիկէ եպիսկոպոսներու եւ կղերից դասին, քոյր դպրեվանքերու տեսուչներու, հայ կաթողիկէ վարժարաններու տնօրէնութեանց, եւ Ս. Միքայէլ ընծայարանի մեծ ընտանիքին:
Ժամը 1-ին, ընծայարանի սեղանատան մէջ տեղի ունեցաւ եղբայրական ագապ:
Զմմառու Պատրիարքական կղերի Միաբանութեան սարկաւագները, ժառանգաւորներն ու Նորընծաները հնչեցուցին ընծայարանի քայլերգ (Օ'ն դու ակումբ) ը: Հայերէն լեզուով ողջոյնի խօսքը արտասանեց նորընծայ Աբրահամ Իսահակեան, իսկ Արաբերէնով՝ Յովիկ Գոյունեանը:
Սարկաւագներ` Կարապետ Գլընճեանի, Պետրոս Մարաշլեան, Վարդան Ճալլուֆ եւ Լեւոն Ստեֆան հայերէն եւ արաբերէն լեզուներով ընթերցեցին` Վկայութիւններ Զմմառու Վանքի մասին . Ժառանգաւորներ Էտի Շահպազեան հայերէն եւ Նշան Հաննէշեան Ֆրանսերէնով ընթերցեցին:
Խանդավառ մթնոլորտէ մը ետք, Տեսուչ Հայր Սուրբ Գեր.Գրիգոր Վրդ.Պատիշահ խօսք առնելով ներկայացուց 2019-ին ընծայարանի արձանագրած ձեռքբերումները. Ըսելով. “2019-ն, Դպրեվանքի տարեգրութեան մէջ` յիշարժան թուական մը հանդիսացաւ. Ուր բազում ձեռքբերումներ արձանագրեցինք, որոնցմէ կարեւորագոյնը` Զմմառու Պատրիարքական կղերի Միաբանութիւնը համալրուեցաւ չորս մրաբան Սարկաւագներով, որոնք վեցամսեայ պատրաստողական դասընթացքը յաջողութեամբ աւարտելէ ետք, Սեպտեմբերի (14) ին, Ձեռամբ` Ամեն. եւ Գերերջանիկ Գրիգոր Պետրոս Ի. Կաթողիկոս-Պատրիարք, Տանն Կիլիկիոյ կաթողիկէ հայոց Հայրապետին, ստացան Սարկաւագական ձեռնադրութիւնը :
Տրուած ըլլալով, որ ժառանգաւորաց բաժնի պաշտպան` Երանելի Իգնատիոս Մալոյեանի ծննդեան 150-ամեակն էր, Դպրեվանքի մեծ ընտանիքի նախաձեռնութեամբ` կազմակերպեցինք եւ բարեյաջող ձեւով լրումին հասցուցինք, Երանելիին նուիրուած` Յուշ Երեկոյն :
Եւ որովհետեւ ընթացիկ տարին կը յատկանշուի` Զմմառու Պատրիարքական կղերի Միաբանութեան հիմնադրութեան 270-ամեակով` ուստի դպրեվանքիս (կանչ հրեշտակապետին) ձօնեցինք, զոյգ յոբելեաններուն:
Իսկ տարին պիտի փակենք սոյն Սարկաւագներուն վարդապետական ձեռնադրութեամբ` անշուշտ բարեխօսեամբ Զմմառու Ցաւագին Տիրամօր եւ Երանելի Իգնատիոս Մալոյեանի”: Իսկ փոխտեսուչ ` Գեր.Տիգրան Վրդ. Փիլիպպոսեանը արաբերէն լեզուով խօսք առաւ:
Եղբ.Սահակ Պօղոսեան հրաւիրեց Ամենապատիւ Եւ Գերերջանիկ Հոգեւոր Տէրը կատարելու ընծայարանի պաշտօնաթերթ (կանչ հրեշտակապետին) ին 20-րդ համարի գինեձօնը:
Ամենապատիւ հոգեւոր Տէրը, Վանքի Մեծաւորը, տեսուչ, փոխտեսուչը եւ վանքի վարչական հայրերը Գինեձօնէն ետք հատեցին օրուայ կարկանդակը, որմէ ետք մեծաւոր Հայրը իր սրտի խօսքը արտասանեց վեր առնելով Լիբանանը յուզող հարցերը եւ թախանձագին խնդրեց, որ ժամ առաջ Լիբանանեան հայրենիքը գտնէ իր անդորրը, ինչպէս եւ ընծայարանի Սաներուն պատգամեց ըլլայ նուիրեալ հոգեւորականներ միշտ իրենց աչքին առաջ ունենալով Յիսուս-Քրիստոսը որպէս փրկութեան աղբիւր:
Այնուհետեւ Ամենապատիւ և Գերերջանիկ հոգեւոր Տէրը իր հայրական խրատներով կը յորդորներով լիացուց նորօծ Սարկաւագներու սրտերն ու հոգիները եւ աղօթքով եզրափակեց ընծայարանի պաշտպան Սուրբ Միքայէլ հրեշտակապետին տօնակատարութիւնը:

ԳԼԽԱՒՈՐ ԼՈՒՐԵՐ

  • «Կանչ հրեշտակապետին» 20-րդ համարը
    «Կանչ հրեշտակապետին» 20-րդ համարը

    Շաբաթ 09 Նոյեմբեր 2019-ին, լոյս տեսաւ` Սուրբ Միքայէլ ընծայարանի «Կանչ հրեշտակապետին» պաշտօնաթերթի 20-րդ համարը, ձօնուած ՝ Զմմառու Պատրիարքական Կղերի Միաբանութեան հիմնադրութեան 270 ամեակի եւ Երանելի Իգնատիոս Մալոյեանի ծննդեան 150 ամեակի զոյգ յոբելեաններուն:

  • Ս.Միքայէլ ընծայարանի անուանակոչութիւնը
    Ս.Միքայէլ ընծայարանի անուանակոչութիւնը

    Շաբաթ, 9 Նոյեմբեր 2019-ի, Կէսօրուայ ժամը 12-ին, Զմմառու վանքի Փոխման Ս.Կուսին Մայր եկեղեցւոյ մէջ , Նախագահութեամբ` Ամենապատիւ և Գերերջանիկ Տէր Գրիգոր Պետրոս Ի. Կաթողիկոս- Պատրիարքի, պատարագ մատոյց Ս. Միքայէլ ընծայարանի տեսուչ` Գեր.Գրիգոր Վրդ.Պատիշահ:

  • ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ
    ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ

    2019 թուականը յոբելեանականներով յատկանշուած տարի մը հանդիսացաւ Զմմառու Պատրիարքական Կղերի Միաբանութեան համար, սկսած Միաբանութեան հիմնադրութեան (1749) 270-ամեակէն, հասնելով հայոց ցեղասպանութեան օրերուն նահատակուած միաբաններէն Երանելի Իգնատիոս Մալոյեանի ծննդեան (1869) 150-ամեակին:

  • ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ
    ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆ

    Կիրակի 8 Սեպտեմբեր 2019-ին՝ առաւօտուն, Զմմառու դարաւոր վանքին մէջ յընթացս Սուրբ և Անմահ պատարագի, մեծ շուքով տեղի ունեցաւ Հայ Եկեղեցւոյ համար կարեւոր նշանակութիւն ունեցող Միւռոնօրհնէքը: Պատմական այս հանդիսութեան առթիւ՝ Սուրբ և Անմահ պատարագ մատուցանեց և օրուան արարողութեան նախագահեց ՝ Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տ.Տ Գրիգոր Պետրոս Ի. Կաթողիկոս Պատրիարքը:

View All

inside picture