ՏՕՆԱԿԱՆ ԵՂԵԼՈՒԹԻՒՆՆԵՐ
  • Ո՜վ ցաւագին Տիրամայր, ահա քու առջեւդ կը խոնարհիմ իբր խեղճ մեղաւոր: Ընդունէ՛ աղօթքներս եւ արցունքներս:
    Ողջոյն քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, հոգիս յուսահատ է եւ կարիքներու բեռին տակ կքած: Զօրացո՛ւր եւ մխիթարէ` զիս զաւակդ: Կը սիրեմ քեզ եւ կը պաղատիմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ո՜վ ցաւագին Տիրամայր, սրտիս մէջ կը ծագի յոյսը՝ թէ զիս պիտի լսես անպայման: Այս է շնորհքը (...) որ կ'ակնկալեմ քեզմէ եւ ամբողջ սիրտս կը նուիրեմ քեզի:
    Ողջոյն Քեզ Մարիամ...
    Ո՜վ ցաւագին Մարիամ, բարեխօսէ՛ ինծի համար, որ քեզի կը դիմեմ: Ամէն:

  • Տէր Յիսուս, Երանելի Իգնատիոս Մալոյեանը Քեզ շատ սիրեց իր կեանքին ընթացքին ու յաճախ դիմեց Քեզի արտասանելով Քու Ս. Անունդ։ Ան՝ իր կեանքն ալ զոհեց Քու սիրոյդ եւ ժողովուրդիդ փրկութեան համար՝ յանձն առնելով չարչարանքներն ու մարտիրոս- ութիւնը։ Շնորհէ՛ մեզի, ո՜վ Տէր, անոր բարեխօսութեամբ, հետեւեալ շնորհքը..., զոր Քեզմէ կը խնդրենք, որպէսզի կարենանք հետեւիլ անոր օրինակին, նմանիլ անոր առաքին- ութիւններուն եւ տեսնել օր առաջ անոր պսակումը փառքով, զոր Եկեղեցին կը շնորհէ սուրբերուն։ Ամէն։
    Հայր մեր... Ողջոյն քեզ... Փառք Հօր...

Տեառնընդառաջ

Հայ Կաթողիկէ Եկեղեցին Տեառնընդառաջը կը տօնէ Քրիստոսի Ծնունդէն քառասուն օր յետոյ` Փետրուար 2-ին: Ղուկաս Աւետարանիչը (Ղուկ. 2, 22-24) կը յիշատակէ Յիսուսի քառասնօրեայ Տաճար ընծայման պատմութիւնը:

Ըստ հրէական օրէնքի, ամէն արու զաւակի մը ծնունդէն ետք, երբ կը լրանան սրբագործման քառասուն օրերը, նորածինին մայրը իր երեխային հետ կ'այցելէր Տաճար, ուր զոհ կը մատուցէր եւ իր զաւակին համար օրհնութիւն կը ստանար քահանայէն: Այսպէս եւ Սուրբ Աստուածամայրը քառասնօրեայ Յիսուսի հետ կը ներկայանայ Տաճար: Աւետարանիչը ներկայացնելով Յիսուսի կեանքի այս դրուագը՝ կը պատմէ նաեւ Սիմէոն ծերունիին մասին, որուն խոստացուած էր աչքերը չփակել, մինչեւ որ չտեսներ Օծեալ Փրկիչը: Ընծայման այս խորհուրդին մէջ թէեւ հրէական աւանդութեան գործադրութիւնը կար, բայց հիմնական և կարեւոր դէպքը՝ Սիմէոն ծերունիի Յիսուս մանուկի ապագային մարգարէութիւնն էր: Հայ Եկեղեցին, այս Տէրունի տօնի նախօրէին, Երեկոյեան ժամերգութենէն յետոյ նախատօնակ կը կատարէ: Նախատօնակի աւարտին կը կատարուի Անդաստան, որու ընթացքին կ'օրհնուին աշխարհի չորս ծագերը: Անդաստանին կը յաջորդէ մոմեղինաց օրհնութիւն: Աւանդութեամբ մեզի փոխանցուած սովորութիւն մըն է, որ եկեղեցւոյ Մայր Խորանի կանթեղէն ստացուած լոյսով կը բռնկեցնեն խարոյկը եկեղեցւոյ շրջաբակը իբրեւ Քրիստոսի լոյսի խորհրդանիշ:

ԳԼԽԱՒՈՐ ԼՈՒՐԵՐ

  • Վանքերու և Սրբավայրերու ուխտագնացութեան միութեան հերթական ժողովը
    Վանքերու և Սրբավայրերու ուխտագնացութեան միութեան հերթական ժողովը

    Շաբաթ 3 Փետրուար 2018-ին, առաւօտեան ժամը 10:00-ին, Զմմառու վանքին մէջ գումարուեցաւ Վանքերու և Սրբավայրերու ուխտագնացութեան միութեան հերթական ժողովը:

  • Յարութ փամբուկճեան վանքը կ'այցելէ
    Յարութ փամբուկճեան վանքը կ'այցելէ

    Շաբաթ 6 Յունուար 2018-ին, կէսօրուայ ժամուն, Զմմառու վանք այցելեց հայ ժողովրդային երգիչ՝ Յարութ փամբուկճեան, ընկերակցութեամբ իր նուագախումբի անդամներուն և արուեստագէտ Պրն. Անթուան Պեզճեանի:

  • Աստուածայայտնութեան տօն
    Աստուածայայտնութեան տօն

    Շաբաթ 6 Յունուար 2018-ին, առաւօտեան ժամը 10:30-ին, Աստուածայայտնութեան տօնին, Զմմառու Վանքի Մայր Տաճարին մէջ, Զմմառու Մայրավանքի Ընդհանուր Մատակարար՝ Հ. Անտոն Վրդ. Նորատունկեան Ս. Պատարագ մատուցանեց:

  • UNIFIL-էն Պատուիրակութիւն մը Զմմառ կ՛այցելէ
    UNIFIL-էն Պատուիրակութիւն մը Զմմառ կ՛այցելէ

    Շաբաթ 30 Դեկտեմբեր 2017-ին, առաւօտեան ժամը 11-ին, Զմմառու վանք այցելեցին Լիբանանի հարաւային Շամա բնակավայրէն Խաղաղապահ Զօրախումբի՝ UNIFIL-էն Պատուիրակութիւն մը, նախագահութեամբ՝ հրամանատար Րօտոլֆօ Զկանկայի եւ ընկերակցութեամբ Լիբանանի մօտ Պապական Նուիրակի տեղապահ՝ Գեր. Հ. Իվան Սանթուսի:

View All

inside picture